په آسټریا کې د ایراني پروډیوسر محمد(ص) نومې فلم د سینماي لید په باب ناسته

ایکنا – د اسلام د ګران پیغمبر (ص) د میلاد د یو زر پنځه سومې کلیزې په مناسبت  د  ایران د یوه مشهور ډایریکټر مجید مجیدي په پروډیوسرئ سره  د محمد (ص) نومې فلم د معرفي کولو ناسته په آسټریا کې ترسره کیږي.  

یکنانیوز د آسټریا په پلازمینې ویانا کې د ایران د کلتوري سلایارئ  په حواله راپور راکوي، د اسلام د ستر پیغمبر حضرت محمد(ص) د زېږېدو د ۱۵۰۰  کلیزې د لمانځنې په مناسبت، د  ایران د یوه مشهور ډایریکټر مجید مجیدي په پروډیوسرئ سره  د محمد (ص) نومې فلم  نړیوالو ته د معرفي کولو  په مناسبت  یوه ناسته  «د نړۍ لپاره د همدردۍ او انساني پیوستون  پیغام: په عنوان سره  د ۱۴۰۴ کال د وږي یا سنبلې د میاشتې په  ۲۱ (د ۲۰۲۵ کال د سټمبر ۱۱ ) د ماسپښین له  څلورو  بجو تر شپږو بجو پورې د مرکزي اروپا د وخت (CEST) له مخې، د  آسټریا په پلازمینې  ویانا کې  ترسره کیږي.

دا غونډه د ایران د کلتوري سلایارئ  او د ماشومانو او ځوانانو د فکري پراختیا د  مرکز په ملګرتیا سره ، د ایراني هنر او سینما د مینه‌والو او د حضرت محمد(ص) د بې‌ساري شخصیت د مینه‌والو په ګډون ترسره کیږي.

د دغه  پروګرام تر ټولو مهمه  برخه به د محمد(ص) فلم د  لیکوال او ډایریکټر مجید مجیدي ځانګړی پیغام وي.

همدارنګه، (نوموتی ایرانی لیکوال او ډایریکټر)، محمدرضا ورزي،  د سیاسي فلسفې، کلتوري او تمدني مطالعاتو استاد ډاکټر رضا غلامي او  په آسټریا کې د نظري هنرونو څېړونکې  ملیحه نوروزي  به د دغې ناستې د آنلاین او حضوري ویناوالو په توګه وینا وکړي.

دا غونډه، چې د حضرت محمد(ص) د ژوند د سینمائي لیدلوري له مخې د همدردۍ او انساني پیوستون د پیغام د انعکاس په موخه ډیزاین شوې، په  ویانا کې   د ایرانیانو د حکمت په کور کې به ترسره شي.

https://iqna.ir/fa/news/4302963